Como todo grupo que se aprecie, é importante traballar o sentimento de pertenza e o compañerismo e axuda mutua entre os distintos nenos e nenas da aula. Para isto facemos moitas actividades e compartimos moitos momentos ó día. Hoxe fixemos outra actividade relacinada cos nomes e o recoñecemento dos nosos compañeir@s. Colocamos en filiña, estilo paso de cebra, as etiquetas co nome e foto de cada ún dos nen@s da aula e fomos collendo por turnos unha, dándolla o compañeiro correspondente.
Despois fixemos dous grupos: nenos e nenas. Cada ún foise situando no grupo que pensaba que correspondía (algún equivocouse pero por despiste e outros máis atentos enseguida enmendaron o erro)
Aproveitando a concentración que tiñamos ensineilles as fotos que saquei o día anterior de tres nenas para ir compoñendo a nosa propia recta numérica e fixemos unha primeira correspondencia entre nenas, pinzas, dedos das mans e pedriñas...
Ningún comentario:
Publicar un comentario