RECUNCHOS DO DÍA...

Hoxe fixemos unha sesión de Recunchos. Neste caso contamos con catro recunchos nas que fomos rotando e pasando por todos. Normalmente, a duración de cada ún é duns 10-15 minutos dependendo un pouquiño das tarefas propostas e o tempo que nos leva completar a actividade máis complicada.

No recuncho de Lóxica-matemática estivemos intentando facer uns novos PUZZLES máis complicados. Xa non é só colocar nos ocos as pezas senón montar imaxes de 6 pezas. A algúns saliulles moi ben e outros todavía non sabían exactamente como funcionaban pero con un pouquiño de axuda fómolos completando.

No Recuncho das Ciencias estivemos a xogar cos ANIMAIS e os bloques lóxicos (neste caso exclusivamente como pezas de construccións para facer cabanas...)

 No Recuncho das Artes Plásticas estivemos a xogar coa PLASTILINA que, como xa sabedes, é un exercicio moi bo para traballar a forza das mans e dedos que logo escribirán con maior precisión, ademáis de desarrollar a súa creatividade.

E o derradeiro Recuncho estivo destinado ó traballo sobre o OUTONO. Recoñecemos unha froita típica do outono e mezclamos varias técnicas plásticas. Primeiro comezamos punzando algunhas uvas coa idea de deixalas ocas e poñer debaixo papel brillante (a algúns custoulles un pouquiño e o tempo fíxosenos escaso). Despois fixemos boliñas de papel seda verde e fomos enchendo as uvas, poñendo cola. Esto último é o que máis lles gusta