UN MARTES CALQUERA...

Estamos xa rematando o trimestre e toca repasar os contidos traballados durante o curso. A estas alturas as rutinas están bastante claras, xa estamos moi seguros e agustiño no cole porque xa poden anticipar o que ocorre nos diferentes espazos, con cada mestra e máis ou menos como transcorre a xornada. Pronto deixaremos de ser os pequeniños do cole 😊 e coñeceremos o novo grupo de 3 anos.
Por todo isto, toda afianzar  o traballado, dar un pasiño máis aló e compartir momentos...pero sempre hai novidades nas tarefas para facelas máis motivadoras

Repasamos a serie numérica ata o dez e colocamos tantas pinzas como corresponda ata o 3

 Recoñecemento dos nomes dos compañeir@s entre tres dados. Se é preciso damos unha axuda escribindo no encerado de tiza o nome e eles teñen que atopar o que é igual.

 

Damos un pasiño máis alá e buscamos o obxecto que comeza igual co nome dun compañeiro

 Tampouco poden faltar os xogos de atención. Neste caso tiñan que estar moi atentos para descubrir cal é o obxecto que aparecía novo 

 Unha vez na mesa, que como podedes ver volve a ter nomes e cores debido a que había conflictos para sentarse e decidimos poñer os nomes  e acabouse o problema (algún non quedou de todo convencid@), fixemos unha serie de dúas cores e compuxemos o noso nome con gomets de letras

Tivemos un ratiño antes de facer a fila e aproveitamos para xogar cos bits de fotos e os nomes.