2º SESIÓN DE OBRADOIROS CAS FAMILIAS ACTUALIZADA!

Este venres fixemos a segunda sesión de recunchos ca mamá e o papá de Paula e ca mamá de Pablo. Arrancamos o día con Pablo como encargado do calendario. E xa estabamos listos para comezar os xogos...

• KABOOM! Este xogo consiste nun bote cunha serie de paus con palabras, letras ou números que teñen que ler. Por turnos, van collendo un pau e tratan de ler o que pon: se acertan gañan o pau e paso o turno ó seguinte, se fallan deixan o pao de novo no bote. Pero coidado, porque algúns teñen a palabra KABOOM e eso supón a pérdida de todos os paos gañados

• BATALLA DO LOBO. É un xogo de cartas que consiste en lanzar ó mesmo tempo sobre a mesa unha carta do mazo. Gaña as cartas aquel que lance a de máis valor. Quen conseguirá un maior número de cartas?

• MONSTRUOS NUMÉRICOS. Tira o dado e consigue encher o primeiro as casillas cos números para destruir ó monstruo

• OCA. E non podía faltar un clásico, o xogo da oca.

Regras: 

Oca: De oca a oca e tiro porque me toca. O xogador que cae na oca móvese ata a seguinte e volve a tirar

Ponte: de ponte a ponte porque me leva a corrente. Tanto hacia adiante como hacia atrás.

Posada: un turno sen xogar

Dados: De dado a dado

Pozo: un turno sen xogar

Cárcel: un turno sen xogar

Calavera: volves a casilla  de partida

Para conseguir a oca do medio tes que facelo co número exacto, en caso contrario volves cara atrás tantos pasos como marque o dado.

Pasáronno xenial e encima tiveron de regalo unhas galletas.

 MOITAS GRAZAS POLA VOSA VISITA!

ENTRE LETRAS E SONS...

Arrancamos a semana cas tareas do encargado de calendario e a palabra do día. Tamén engadimos outra tarefa a esta encargada, repasamos as grafías e a súa correspondencia  de cantidade.

Despois metémonos en tarefas do noso proxecto Animais da granxa. Que animais coñecemos, cales sírvennos para comer ou dan outros alimentos...

E aproveitamos a temática para facer "problemas gráficos": Que ves? Cántos animais hai? Cántos teñen dúas patas? Cántos nacen dun ovo?...

Tamén facemos un pouco de conciencia fonolóxica "escribindo" palabras sinxelas de catro letras con axuda, recalcando os distintos sons que compoñen cada palabra. Na primeira imaxe aparecen as catro letras desperdigadas e tres debuxos, para escoller o correcto ben propoñíalles unha pista "é un animal que empeza por pppppp e vive nos lagos" ou ben algúns mirando as letras adiviñaban a palabra escondida.

Tamén tivemos un ratiño de baile, para desperezar o corpo, e xogo con gavetas.

Despois do recreo e de descansar un pouquiño fixemos un laberinto e dous recunchos: plastilina e Bee Bot. Neste último continuamos co xogo que comezamos o outro día pero cambiando os animais do taboleiro.

1º SESIÓN DE OBRADOIROS EN FAMILIA ACTUALIZADA!

Xa temos @s primeiros voluntarios para o obradoiro en familia polo que este venres daremos comezo  á 1º sesión...Manuela, Cruz, Yolanda e José serán os primeiros atrevidos que compartirán connosco unha sesión de xogos...
Chegou o día...Tati deu comezo á xornada como encargada do calendario e da palabra do día: BURRO

e xa chegaron os papis para pasar un rato connosco. Aquí tedes unhas cantas fotos do ben co pasamos:

Manuela foi a encargada do xogo do UNNO. Nesta primeira sesión traballamos con este famoso xogo de cartas únicamente cas cartas de números, pouquiño a pouco iremos introduccindo as cartas máis complicadas

 Jose foi o encargado de xogar co LINCE versión Eureka kids, que é un pouquiño máis doada xa que ten un número menor de imaxes...pero xa están preparadísimos para introducir o propio lince

 Yolanda foi a encargada do DOMINÓ. Resultoulles tamén doado de entender, enseguida pillaron as regras do xogo.

 Cruz foi a encargada do xogo "A tarta de cumpreanos" que tamén lles gustou moito aínda que este xogo requería un pouco máis de tempo có resto.

 Como vedes hai catro mesas, catro equipos de nen@s que van rotando polos distintos xogos cada 12 minutos máis ou menos. Estes xogos pretenden traballar diversos contidos propios da etapa pero tamén é unha bonita convivencia cas familias que poden compartir un ratiño cos seus fillos e cos amigos destes. Ademáis, trouxéronnos unhas galletas de dinosaurio para a merenda Que máis se pode pedir? 😋

MOITAS GRAZAS POLA VOSA VISITA!

 Este venres teremos a 2º sesión cos papás de Paula, papá de Asier e a mamá de Cloe. ESPERÁMOSVOS!