INCUBANDO OVOS e XOGOS DE LINGUAXE

Neste terceiro trimestre vamos adicarnos a coñecer algo máis sobre a Galiña, o Galo e os pitiños e nada mellor para aprender cunha actividade motivadora como é incubar ovos de Galiña. 

 E día tras día imos dándolles a volta ós ovos e botándolles auga para que teñan a humidade suficiente. Temos que darlle mil grazas a Abel que é o encargado de facelo os fins de semana

E mentres esperamos a que salgan os pitiño seguimos facendo unha chea de tarefas relacionadas ca linguaxe: vocabulario, conciencia fonolóxia, rimas, escritura...

escoitamos sílabas e marcamos a correspondente

Encadeamos palabras TE-LELELE...LE-O-NANANA...

 Xogamos a adiviñar que animal teño na cabeza a través de preguntas de resposta SI ou NON: ¿é un animal doméstico? Ten rabo?  Ten catro patas? Come herba?....

Seguimos co noso "Libro de letras" no que en gran grupo adicamos un día a unha letra do abecedario e dicimos e escribimos palabras que comecen por dita letra. Traballamos, así, a correspondencia entre o son das letras e a súa grafía. A esta actividade engadímoslle outra, a palabra segreda, na que eu vou decindo sons que eles escriben e deben ler-adiviñar a palabra segreda.

 Tamén teñen gavetas nas que lles gusta traballar coas letras como o estampado para crear palabras

 a bandexa de area

ou o miniarco verde